ஒரே இரவில் ஈரானை வீழ்த்திவிட முடியும், அந்த இரவு நாளை இரவாகக் கூட இருக்கலாம்.’ என அமெரிக்க ஜனாதிபதி டொனால்ட் டிரம்ப் இறுதி எச்சரிக்கை விடுத்துள்ளார்.
ஈரானுக்கு இறுதிச் சந்தர்ப்பம் செவ்வாய்க்கிழமை வரைதான். அப்போது மின்சார நிலையங்களும் பாலங்களும் இல்லாத ஓர் ஈரான்தான் எஞ்சும் என்றும் திரு. டிரம்ப் இன்றிரவு செய்தியாளர்களிடம் தெரிவித்தார.
ஈரானில் சிக்கிய எமது விமானப்படை வீரர் கடுமையாகக் காயமடைந்த நிலையில், அபாயகரமான மலைப்பகுதியில் ஏறி, உயரமான இடத்தை நோக்கி ஏறத் தொடங்கினார். அவர் செங்குத்தான பாறை முகடுகளில் ஏறியபோது, அவருக்குக் கடுமையாக இரத்தப்போக்கு ஏற்பட்டது.
ஈரானுக்கு எதிரான அமெரிக்காவின் போர் சிறப்பாகச் செல்கின்றது . வொஷிங்டனின் படைகளால் ஒரே இரவில் அந்நாட்டை முழுவதுமாக அழித்துவிட முடியும் .
அந்த இரவு நாளை இரவாகக் கூட இருக்கலாம் .மிகவும் வருத்தமாக இருக்கிறது. அவர்கள் ஒரு பெரிய விலையைக் கொடுக்கப் போகிறார்கள்’
முதல் விமானி மீட்கப்பட்ட பிறகு, இரண்டாவது விமானி ஈரானில் சிக்கிக்கொண்டார் என்ற தகவலைக் கசியவிட்ட நபரை அடையாளம் காண அமெரிக்க அதிகாரிகள் முயன்று வருகின்றனர்.
அந்த அறிக்கை வெளிவருவதற்கு முன்பு, இரண்டாவது விமானியின் நிலை குறித்து ஈரானுக்குத் தெரியாது .இது அமெரிக்காவின் மீட்பு நடவடிக்கையை மிகவும் கடினமாக்கியது.
அந்த அறிக்கையை வெளியிட்ட ஊடக நிறுவனம், தகவலைக் கசியவிட்டவரின் அடையாளத்தை வழங்க வேண்டும் அல்லது சட்ட நடவடிக்கையை எதிர்கொள்ள வேண்டும் என்று அமெரிக்க அதிகாரிகள் கோருவார்கள்.
“அந்தத் தகவலைக் கசியவிட்டவரைக் கண்டுபிடிக்க நாங்கள் மிகவும் தீவிரமாகத் தேடி வருகிறோம்,”நாங்கள் அதைக் கண்டுபிடித்துவிடுவோம் என்று நினைக்கிறோம்,
ஏனென்றால், அந்தத் தகவலை வெளியிட்ட ஊடக நிறுவனத்திடம் நாங்கள் சென்று, ‘தேசியப் பாதுகாப்பு – தகவலைக் கொடுங்கள் அல்லது சிறைக்குச் செல்லுங்கள்’ என்று கூறுவோம்.” என டிரம்ப் கூறினார்.
