நாட்டின் பல இடங்களில் இன்று (நவம்பர் 01) இடியுடன்கூடிய கனமழை பெய்யுமென வளிமண்டலவியல் திணைக்களம் எச்சரித்துள்ளது.
மேல், சபரகமுவை, மத்திய, ஊவா,தென் மாகாணங்களிலும், அம்பாறை,மட்டக்களப்பு மாவட்டங்களிலும் இன்று (1) பிற்பகல் 1 மணிக்குப் பின்னர் மழை அல்லது இடியுடன் கூடிய மழை பெய்யக்கூடும் எனத் திணைக்களம் கூறியுள்ளது.
சில இடங்களில் 50 மி.மீ க்கும் அதிகமான பலத்த மழை பெய்யக்கூடும் எனவும் குறிப்பிடப்பட்டுள்ளது.
நாட்டின் ஏனைய பிரதேசங்களில் பிரதானமாக சீரான வானிலை நிலவக் கூடும் என எதிர்பார்க்கப்படுகிறது.
இடியுடன் கூடிய மழையின் போது ஏற்படக்கூடிய தற்காலிக பலத்த காற்று,மின்னல் தாக்கங்களினால் ஏற்படும் விபத்துக்களைக் குறைத்துக் கொள்வதற்குத் தேவையான நடவடிக்கைகளை எடுக்குமாறு அறிவுறுத்தப்பட்டுள்ளது.
மேல், சபரகமுவை, மத்திய,ஊவா மாகாணங்களிலும், குருநாகல்,அநுராதபுரம் மாவட்டங்களிலும் சில இடங்களில் அதிகாலை வேளையில் பனிமூட்டமான நிலை காணப்படலாம் எனவும் வளிமண்டலவியல் திணைக்களம் தெரிவித்துள்ளது.