கொழும்பு – கண்டி பிரதான வீதியின் வரக்காப்பளை, மாஹேனை பகுதியில் இன்று (7) மாலை இடம்பெற்ற வீதி விபத்தில் மூவர் உயிரிழந்து, மேலும் நால்வர் படுகாயமடைந்துள்ளனர்.
இவ்விபத்தில் ஆண்கள் இருவரும் பெண் ஒருவருமாக மூவர் உயிரிழந்துள்ளதாகப் பொலிஸார் தெரிவித்தனர்.
படுகாயமடைந்த நால்வரும் தற்போது வரக்காப்பளை வைத்தியசாலையின் தீவிர சிகிச்சைப் பிரிவில்ஆனுமதிக்கப்பட்டுள்ளனர்.
கொழும்பில் இருந்து கண்டி நோக்கிப் பயணித்த வேன் ஒன்று, முன்னால் சென்ற வாகனத்தை முந்திச் செல்ல முற்பட்ட வேளையில், கண்டியில் இருந்து கொழும்பு நோக்கி எதிர்த்திசையில் பயணித்த இலங்கை போக்குவரத்து சபைக்குச் (SLTB) சொந்தமான பேருந்துடன் நேருக்கு நேர் மோதியதில் இந்த விபத்து சம்பவித்துள்ளது.
விபத்து தொடர்பாகப் பேருந்தின் சாரதி பொலிஸாரால் கைது செய்யப்பட்டுள்ளதுடன், காயமடைந்த வேனின் சாரதி வைத்தியசாலையில் சிகிச்சை பெற்று வருகின்றார்.
இச்சம்பவம் குறித்த மேலதிக விசாரணைகளை வரக்காப்பொல பொலிஸார் மேற்கொண்டு வருகின்றன