யுத்த வெற்றியின் 17ஆவது ஆண்டு நிறைவு விழா

யுத்த வெற்றியின் 17ஆவது ஆண்டு நிறைவையொட்டி ‘தேசிய வெற்றி விழா நினைவு நிகழ்வு’ கடந்த ஆண்டுகளைப் போலவே பாரம்பரிய முறைப்படி மே 19 நடைபெறுகிறது.

ஜனாதிபதி அநுர குமார திஸாநாயக்க தலைமையில், பத்தரமுல்லையில் அமைந்துள்ள இராணுவ நினைவிடத்திற்கு முன்பாக இந்த நினைவு நிகழ்வு நடைபெறும் என அறிவிக்கப்பட்டுள்ளது.

இம்முறை நினைவு நிகழ்வில் முதற்தடவையாக வடக்கு, கிழக்கு மாகாணங்களில் உயிர்த்தியாகம் செய்த இராணுவத்தினரின் உறவினர்களும் கலந்துகொள்ளவுள்ளதாக, அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பில் ரணவிரு சேவா அதிகார சபையின் தலைவர் பிரிகேடியர் எஸ். பி. கொஹோன தெரிவித்துள்ளார்.

இராணுவம், கடற்படை, விமானப்படை, பொலிஸ்,விசேட அதிரடிப்படை, சிவில் பாதுகாப்பு திணைக்களம், தேசிய மாணவர் படையணி, ரணவிரு சேவா அதிகாரசபை,இராணுவத்தினரின் பெற்றோர்கள், உறவினர்கள்,விசேட அழைப்பாளர்கள் உட்பட 2,769 பேர் இதில் கலந்துகொள்ளவுள்ளதாகத் தெரிவிக்கப்படுகின்றது.