2025ஆம் ஆண்டில் தமிழ் சினிமாவில் சுமார் 270 படங்கள் வரை வெளியாகி இருந்தாலும், ஒரு சில படங்கள் மட்டுமே வர்த்தக ரீதியில் மிகப்பெரிய வெற்றியைப் பதிவு செய்துள்ளன.
அதிக பொருட்செலவில் எடுக்கப்பட்ட படங்கள், குறைந்த பொருட்செலவில் தயாரிக்கப்பட்டு வெற்றி பெற்ற படங்களின் விவரங்கள் வெளியாகியுள்ளன.
2025 ஆம் ஆண்டு இந்தியாவில் வெளியான அனைத்துப் படங்களிலும் அதிக வசூல் குவித்து முதலிடத்தைப் பிடித்தது நடிகர் ரஜினிகாந்தின் ‘கூலி’ திரைப்படம்.
இயக்குநர் லோகேஷ் கனகராஜ் இயக்கத்தில் ரஜினிகாந்த், நாகார்ஜூனா, ஷ்ருதி ஹாசன் உள்ளிட்ட பல பிரபலங்கள் நடித்த இந்த அதிரடித் திரைப்படம், உலகம் முழுவதும் ரூ. 518 கோடி வரையில் வசூல் செய்து, இந்த ஆண்டின் அதிக வசூல் குவித்த முதல் தமிழ்ப் படம் என்ற சாதனையைப் படைத்துள்ளது.
தமிழ்நாட்டில் மட்டும் ‘கூலி’ திரைப்படம் ரூ. 183.18 கோடி வசூல் செய்தது குறிப்பிடத்தக்கது.
‘கூலி’ படத்தைத் தொடர்ந்து, அஜித் குமார் நடிப்பில் வெளியான இரு படங்கள் அடுத்தடுத்த இடங்களைப் பிடித்துள்ளன.
