சிவனொளிபாத மலை யாத்திரை காலம் தொடங்குவதற்கு முன்பு சாலையில் உள்ள குளவிக் கூடுகளை அகற்றுமாறு கோரிக்கை விடுக்கப்பட்டுள்ளது.
நல்லதண்ணி சிவனடிபாத மலைக்குச் செல்லும் வீதியில் உள்ள நாக தீப விஹாரையின் சமாதி புத்தர் சிலையில் கட்டப்பட்ட பெரிய குளவி கூடுகளால் தோட்டத் தொழிலாளர்கள் மற்றும் அப்பகுதி மக்கள் நல்லதண்ணி நகரில் உள்ள விருந்தினர் விடுதி உரிமையாளர்கள் மற்றும் அங்கு வந்து தங்கும் உள்நாட்டு வெளிநாட்டு உல்லாசப் பயணிகள் அச்சத்தில் உள்ளனர்.
இந்தப் பெரிய புத்தர் சிலையின் கொன்கிரீட் மூடியிலும், புத்தர் சிலையின் பல இடங்களிலும் 10 க்கும் மேற்பட்ட குளவிக் கூடுகள் கட்டியிருப்பதைக் காணலாம்.
அவற்றில் சில கூடுகள் மிகப் பெரியவை. பருந்துகள் , கழுகுகள், குரங்குகள் இந்தக் குளவி கூடுகளைத் தாக்கி தப்பிச் செல்வதாக அக்கம்பக்கத்தினர் கூறுகின்றனர்,
மேலும் வெளிநாட்டினர், தோட்டத் தொழிலாளர்கள், பள்ளிக் குழந்தைகள் மற்றும் சிவனடிபாத மலைக்குச் செல்லும் வீதியில் பயணிக்கும் அப்பகுதி மக்கள் குளவிகளால் தாக்கப்பட்டுத் துன்புறுத்தப்பட்ட பல நிகழ்வுகள் உள்ளன.
(2025/2026) சிவனடி பாத மலை யாத்திரை காலம் சுமார் ஒரு மாதமே உள்ளது. புனித யாத்திரை காலம் தொடங்குவதற்கு முன்பு, அறிவியல் முறையைப் பயன்படுத்தி இந்தக் குளவிகளை அகற்றுமாறு பிங்கு சம்பத பாதுகாப்பு அமைப்பு மற்றும் வனவிலங்குத் துறையின் பொறுப்பான அதிகாரிகளிடம் அப்பகுதி மக்கள் கோரிக்கை விடுக்கின்றனர்.
மஸ்கெலியா நிருபர் செ. தி. பெருமாள்
